نشوى مصطفى عن «فنانة محجبة»: حرمت شغلنا في رمضان والسنة دي بتصور عادي – فن وثقافة
بعد مرور قرابة عام على المعركة الكلامية التي وقعت بين الفنانة نشوى مصطفى وزميلتها ميار الببلاوي، بسبب تصريحات «الببلاوى» حول «انشغال الممثلين بتصوير المسلسلات في رمضان»، عادت «نشوى» لانتقاد «الببلاوي» من جديد بسبب تصويرها أحد الأعمال الدرامية المقرر عرضه فى الموسم الرمضانى المقبل.
وانتقدت الفنانة نشوى مصطفى، الفنانة ميار الببلاوي، بعد أن هاجمت الأخيرة أهل الفن العام الماضي لانشغالهم في تصوير المسلسلات في شهر رمضان باعتباره من «اللهو».
وكتبت نشوى مصطفى عبر حسابها بموقع التواصل الاجتماعي «فيس بوك» قائلة: «السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبو لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت مني لما دخلت عاتبتها، الدهشة إنها السنة دي مشتركة في مسلسل بتمثله دلوقتي حيتذاع في رمضان، ربنا يوفقها».
«مشادة كلامية» فى أبريل الماضي
يشار إلى أنه في شهر أبريل من عام 2020 دخلت الفنانة نشوى مصطفى في معركة كلامية مع الفنانة ميار الببلاوي، بعد توجيه الأخير انتقادات لاذعة للوسط الفني تعليقًا على صورة الراقصة دينا التي صرحت بأن تصويرها للأعمال الدرامية في رمضان فى ظل جائحة كورونا أمر اضطراري.
وكتبت ميار الببلاوي، «متهكمة على الفنانين»، على السوشيال ميديا: «بجد مقدرين تضحياتكم الفظيعة في سبيل شهر ربنا، شهر الرحمة والمغفرة والصلاة والصوم والذكر، إنكوا مصممين تضيعوه علينا.. كان رمضانكم غير رمضانا استغفر الله».
واستطردت الببلاوي: «كان رمضان مش هيبقى رمضان من غير المسلسلات والمسابقات واللهو اللي أغضب ربنا علينا، العمرة اتمنعت والأذان والمساجد اتقفلت رحمة ربنا اللي محتاجينها دلوقتي اللجوء ليه مش لمسلسلاتكم حتى لو صحابي هيزعلوا مني بس ربنا بيقولكوا سيبوا رمضان لأهل رمضان اتقوا الله علشان يجعل لنا مخرج ويرفع الوباء والبلاء مين معايا يا جماعة».
كلمات ميار الببلاوي، استفزت الفنانة نشوى مصطفى التي كتبت عبر حسابها على «فيس بوك» قائلة: «هى مش ميار كانت بتمثل وأعتقد في رمضان وما أعلنتش اعتزالها يعني ولاحاجة، عيب خليكي عاقلة وبالغة، وكمان مش حرام تغتابي زميلة وحاطة صورتها، وبعدين الممثلين يضيعوا عليكي رمضان ليه؟، يا ستي اجتهدي في عباداتك وقاومي زمايلك الشياطين، والله عيب تستعدي الناس على زمايلك ده إنت أكلتي معاهم عيش وملح».
