ياسمين حربي: الكونسرفتوار عندهم مشكلة التعالي على الموسيقى العربية – فن وثقافة

 قالت الفنانة ياسمين حربي عازفة آلة «الهارب»، إنها بدأت منذ 2001 في إعادة صناعة الآلة في مصر، وصنعت العديد من الآلات بأحجام مختلفة بيديها في البيت،  لافتة أن «الكونسرفتوار» هو المكان الوحيد الذي يدرس الهارب أو البيانو أو الكمنجة، ويتم إدخال العازف وهو في الصف الثاني الابتدائي لتعلم هذه الآلة، «بياخد وقت كبير جدا في الدراسة، ولو مدخلش في سن صغير أوي مبينفعش، لكن اللي بيدخل في إعدادي بيعزف آلات نفخ بس، كل آلة ليها سن».

وأضافت «حربي»، خلال لقاء ببرنامج «من مصر»، المذاع على شاشة قناة «CBC»، وتقدمه الإعلامية ريهام إبراهيم: «الهارب بتعزف بس الموسيقى الكلاسيكية لحد ما أنا اشترتها، كنت عاوزة أجيبها عشان اشتغل وأعزف عربي، وهي مكنتش بتعزف عربي، هي اختراع مصري بس راحت برا وبنشتريها بآلاف الدولارات وبنعزف حاجاتهم، وبنتعلم في الكونسرفتوار مؤلفاتهم مفيش مؤلفين كانوا بيكتبوا للهارب، اللي أنا بعمله اتحارب سنة 2000 من الكونسرفتوار، فيهم مشكلة التعالي على الموسيقى بتاعتنا، ومعظم الخريجين والطلبة والدكاترة فيهم حتة تعالي على الموسيقى العربي».

وتابعت: «قالوا ياسمين اتجننت وبتعزف عربي على الهارب، كان فيه نظرة تعالي، دلوقتي كل الناس اللي كانوا بيقولوا كده بيعزفوا عربي، بعد سنين من الحرب».