فيديو.. هاني يونس يستعرض تطورات إنجاز حي الأبراج بالعاصمة الإدارية – مصر
[ads1]
بث هاني يونس المستشار الإعلامي لرئيس مجلس الوزراء، لقطات مباشرة من منطقة الأبراج المركزية بالعاصمة الإدارية الجديدة، والتي تنفذها إحدى الشركات الصينية.
وقال هاني يونس في الفيديو المباشر الذي بثه عبر حسابه الشخصي على “فيس بوك”: “صباح الفل على حضراتكم.. إحنا هنا في العاصمة الإدارية الجديدة.. هنا في مستقبل مصر.. أنا موجود في منطقة الأبراج المركزية اللي بتنفذها الشركة الصينية، هنا مدرسة لازم نتعلم منها.. هنا إنجاز في كل دقيقة بيتنفذ.. هنا كل ما وصل إليه العلم في الهندسة على أعلى المستويات تتنفذ”.
وأضاف يونس: “هنا عمال مصريين بيسابقوا الزمن مع عمال ومهندسين من الصين علشان ينجزوا مشروع هيفخر بيه المصريين واللي هيلف المنطقة دي النهاردة هيحس إنه في دبي.. حاجة فوق الوصف وكل يوم في جديد وإنجاز، والنهاردة هنتفرج من فوق على العاصمة الإدارية الجديدة منطقة الأبراج وهفرجكم كمان إحنا وصلنا الدور الكام.. ده البرج الأيقوني وصلنا فيه لإرتفاع 25 دور.. الشغل ده بيتم على قدم وساق.. اتفرجوا”.
وبث هاني يونس لقطات على ارتفاع كبير من إحدى أبراج منطقة الأبراج بالعاصمة الإدارية، والتي أظهرت منطقة الأبراج وآخر ما وصلت إليه.
وقال هاني يونس: “أنا هنا في البرج الـ25 من البرج الأيقوني اللي هو أكبر برج في أفريقيا واللي بيتنفذ في حي المال والأعمال بالعاصمة الإدارية الجديدة”.
[ads2]
[ads5]
